Telugu Movie Gossips | Latest Telugu Cinema Gossips | Tollywood Film Gossips | Tollywood Gossips | All Cinema Gossips | Cinerangam.com

మురుగదాస్‌ కథలు ఎక్కువగా సామాజికాంశాలతో ముడిపడి ఉంటాయి. ఆ కథల్లోనే హీరోయిజాన్ని చొప్పిస్తుంటారు. ఇప్పుడు వైద్య రంగం నేపథ్యంలో ‘స్పైడర్‌’ చిత్రాన్ని తీర్చిదిద్దినట్టు తెలిసింది. సన్నివేశాల్ని ఎక్కువగా ఆస్పత్రుల నేపథ్యంలో తెరకెక్కించడం, ఈ చిత్రంలో కథానాయిక కూడా మెడికో కావడంతో సినిమా కథ వైద్య రంగం చుట్టూ సాగే అవకాశాలున్నాయని సినీ జనాలు చెప్పుకుంటున్నారు. ఎప్పట్నుంచో సెట్స్‌పై ఉన్నప్పటికీ కథ, పాత్రల గురించి చాలా గోప్యత పాటిస్తూ వచ్చింది చిత్రబృందం. విజువల్‌ ఎఫెక్ట్స్‌కి ప్రాధాన్యమున్న ఈ చిత్రంలో థ్రిల్లింగ్‌ అంశాలు పుష్కలంగా ఉంటాయని సమాచారం.

స్పైడర్‌’కి సంబంధించి మరొక్క పాట మాత్రమే మిగిలి ఉంది. త్వరలోనే ఆ పాటని తెరకెక్కించబోతున్నారు. రహస్యాల్ని ఛేదించే ఓ ఇంటెలిజెన్స్‌ అధికారిగా మహేష్‌ ‘స్పైడర్‌’లో సందడి చేయబోతున్నాడు. చిత్రీకరణ చివరి దశకు చేరుకొంది కాబట్టి, ఇక ఈ సినిమా సందడి మొదలు కాబోతోంది. తెలుగుతోపాటు తమిళం, మలయాళం, హిందీ భాషల్లో సినిమా విడుదలవుతోంది కాబట్టి మహేష్‌ పెద్ద యెత్తున ప్రచార కార్యక్రమాల్లో పాల్గొంటారని సమాచారం. ‘స్పైడర్‌’ సినిమాతో మహేష్‌ మార్కెట్టు ముఖచిత్రం పూర్తిగా మారిపోతుందని ట్రేడ్‌వర్గాలు అంచనా వేస్తున్నాయి.
Cinerangam

Cinerangam

All About Cinema

Post A Comment: