‘జై లవకుశ’ మోషన్‌ పోస్టర్‌ విడుదల

యంగ్‌ టైగర్‌ ఎన్టీఆర్‌ కథానాయకుడిగా నటిస్తున్న చిత్రం ‘జై లవకుశ’. ఈ రోజు (ఏప్రిల్ 5, బుధవారం) శ్రీ రామ నవమి పర్వదినాన్ని పురస్కరించుకుని ఈ చిత్ర మోషన్‌ పోస్టర్‌ను ఎన్టీఆర్‌ ట్విట్టర్ ద్వారా విడుదల చేశారు. పోస్టర్‌లో ‘జై రామ శ్రీరామ..’ అంటూ రాముడు, లక్ష్మణుడు, రావణాసురుడిని చూపించారు. ఈ చిత్రంలో జూనియర్ మొదటి సారి త్రిపాత్రాభినయం చెయ్యనున్నాడు. వాటిల్లో ఒకటి విలన్ పాత్ర కావడం విశేషం. అందుకే ఈ చిత్రానికి ‘జై లవ కుశ’ అనే మూడు పేర్లను కలిపి టైటిల్‌గా నిర్ణయించారేమో అని అంటున్నారు. ఈ చిత్రంలో ఎన్టీఆర్ పోషించే పాత్రల పేర్లు ‘జై.. లవ.. కుశ’ గా ఉండబోతున్నాయనే ఆసక్తి కర చర్చ జరుగుతోంది.

Wishing everyone a happy SRI RAMA NAVAMI.And here is the motion poster of #JaiLavakusa https://t.co/lq5O2u2hNb

— Jr NTR (@tarak9999) April 5, 2017

ఇక ఇందులో ఎన్టీఆర్‌ సరసన ఒక హీరోయిన్‌గా రాశిఖన్నా నటిస్తుండగా, సమంత మరో కీలక పాత్రలో కనిపించనున్నట్లు సమాచారం. నందమూరి కళ్యాణ్ రామ్ ఈ చిత్రాన్ని నిర్మిస్తున్నారు.ఇప్పటికే డ్యుయెల్ రోల్స్‌తో మెప్పించిన యంగ్ టైగర్ ఎన్టీఆర్.. ఈసారి ట్రిపుల్ రోల్‌లో ఏ రేంజ్‌లో అలరిస్తాడో చూడాలి. బాబీ దర్శకత్వం వహిస్తున్న ఈ చిత్రానికి కళ్యాణ్‌ రామ్‌ నిర్మాతగా వ్యవహరిస్తున్నారు. దేవీశ్రీ ప్రసాద్‌ స్వరాలు సమకూరుస్తున్నారు.